Friday, January 20, 2012

Vítamín og gigt

Það hefur verið mikil umræða um vítamín og þá sérstaklega d-vítamín að undanförnu. Í gegnum árin hef ég tekið eftir að mælt er með vissum vítamínum fyrir gigtarfólk. Hér er listi yfir þau sem ég hef séð mælt með og ég hafði hugsað mér að kanna betur hvers vegna þau eiga að vera góð fyrir fólk með gigt. 

Vítamín sem hefur verið mælt með fyrir gigtarsjúklinga:


B-6 vítamín
B-5 vítamín
D-vítamín
Kalk
Magnesium
Zink
Alfafla
Cetyl myrist-oleat

Ég hef tekið eftir því að andoxunarefni eru oft nefnd í sömu andrá og gigt. Ég veit ekki hvers vegna en það væri fróðlegt að vita hvaða áhrif þau hafa á gigt. 


E-vitamin
C-vitamin
Beta-carotene 
Selenium


Þetta er svona það sem ég hef rekist á í gegnum tíðina sem mælt hefur verið með. Ég veit ekki hvort þessi vítamín hafi nokkur áhrif á gigt en það sakar ekki að lesa sér meira til og sjá hvers vegna er verið að mæla með þeim. 

Thursday, January 19, 2012

101 leið til að lifa heilsusamlegu lífi

Ég hugsa að flestar sem þjást af krónískum sjúkdómum hafi hugleitt að breyta einhverju hjá sér, í þeirri von um að sjúkdómurinn verði ei lengur til staðar. Ég er engin undantekning þegar kemur að því. Ég kannaði hvaða mat væri best fyrir gigtarsjúklinga að borða, hvað ég ætti að forðast, fór að stunda sund og jóga af miklum móð. Mér hefur aldrei verið eðlislægt að naga gulrót og borða hnetur til hátíðarbrigða. Engu að síður sá ég fyrir mér að eftir nokkra mánuði jafnvel vikur væri ég búin að ná þvílíkum tökum á þessum nýja lífstíl að það myndi vekja eftirtekt hvert sem ég færi. Auk þess trúði ég því að þetta yrði ekkert mál og eftir smá tíma myndi mér ekki detta í hug að borða nammi, drekka gos eða gúffa í mig kökum. 


7 árum seinna drekk ég gos, borða nammi, gúffa í mig kökum, þarf að beita mig hörku til að hlunkast í jóga og á líkamsræktarstöðina. Þetta varð sem sagt aldrei auðveldara. Ég verð því miður að viðurkenna að ég hef aldrei náð tökum á því að borða hollan mat og hreyfa mig. Þrátt fyrir það þá hefur kílófjöldinn aldrei náð að verða mikill. Líklegast því ég borða ekki alltaf óhollt, ég borða bara of oft óhollan mat. Maður myndi ætla að þegar maður þjáist af gigt sem hefur í för með sér verki og skerta hreyfigetu að það ætti að vera nógu mikið spark í rassinn til þess að huga alltaf að heilsunni. Í mínu tilviki hefur það ekki orðið til þess. Ég hef engu að síður í 7 ár leitað mér upplýsinga um hvað ég geti gert til að bæta ástand mitt. Ég hef fundið margt sniðugt og fróðlegt og prófað margt. En gallinn er að ég held ekkert af þessu út nema að borða óhollan mat. Mér hefur tekist að gera það án vandræða í mörg, mörg, mörg ár.

Mér líður vægast sagt ömurlega yfir því að hafa aldrei náð þeim markmiðum sem ég hef sett mér. Ég geri mér engar grillur um að breytt matarræði og hreyfing muni verða til þess að gigtin hverfi. Mér finnst engu að síður að ég ætti að gera það sem er gott fyrir líkamann minn. Það er staðreynd að það er betra fyrir okkur að borða mat í hóflegu magni, borða hollan mat og hreyfa okkur reglulega heldur en að borða yfir okkur, sleppa allri hreyfingu og úða í okkur óhollustu. 


Ég hafði hugsað mér að nota þetta blogg til að hjálpa mér að taka skynsamlegri ákvarðanir þegar kemur að heilsunni. Kannski verður það mér meira aðhald að þurfa skrifta reglulega á bloggi. 

Wednesday, January 18, 2012

Engifer

Þrátt fyrir að ég borði allt of oft óhollan mat þá tel ég engu að síður að það skaði ekki að kynna sér hvaða matur getur gagnast gegn gigtinni. Í mínu tilviki þá er ég talsvert bólgin. Hægri hliðin á mér er næstum tvöföld miðað við þá vinstri. Mér hefur fundist gagnlegt að drekka engiferte og engiferseyði til að vinna gegn bjúg og bólgum. 

Kostir engifers

bólgueyðandi
vinnur gegn ógleði
minnkar brjóstsviða
góð vörn gegn kvefi
gott fyrir meltinguna   
minnkar bjúg 

Ég hef drukkið engiferseyði sem faðir minn bruggar af miklum móð heima hjá sér. Ég er misdugleg að drekka það. Hef reyndar verið afskaplega ódugleg við það undanfarnar vikur. Þegar ég hef verið dugleg þá finn ég alveg smá mun. Það er samt svo erfitt að benda á eitt atriði. Ég er samt alveg pottþétt með minni bjúg þegar ég er duglega að drekka seyðið.



Engiferseyði

2 lítrar vatn
320 gr. engifer
 50 ml sítrónusafi    
60 ml agave síríp
4 g myntulauf 

Skera niður engiferið, algjör óþarfi að skræla það, kreista sítrónuna, allt sett í pott og látið sjóða í klukkutíma. Síað og sett á flöskur, geymt í ísskáp. 


Tuesday, January 17, 2012

Sjúk í sykur

Ég er sjúk í sykur

Líkaminn minn er ekki jafn hress með þetta sykurát og mótmælir hástöfum með verkjum og bólgum. 

Fór á bókasafnið í dag og birgði mig upp af heilsubókum í þeirri von um að ég muni fyllast innblæstri og láta af allri sykurneyslu án nokkurra vandamála. 

Ég er svona hægt og rólega að átta mig á að ég þurfi að taka sömu taktíkina á sykurinn og gerði með reykingarnar. Þegar ég reykti þá beið ég alltaf eftir að deginum þar sem ég myndi reykja síðustu sígarettuna og fyrir eitthvert kraftaverk myndi mig síðan aldrei aftur langa í aðra sígarettur. Þetta yrði auðvelt og besta af öllu ég mundi ekki þurfa að hafa fyrir neinu. 

Því miður þá rann þessi dagur aldrei upp og ég þurfti að hafa heilmikið fyrir því að hætta að reykja sem m.a. fólst í því að reykja ekki jafnvel þótt mig langaði til þess. 

Sykur fer alveg sérstaklega illa í mig. Í dag er fimmti dagurinn sem ég borða nammi, drekk gos og borða kökur og sætindi. Líkaminn mótmælir hástöfum með tilheyrandi verkjum og bólgum ég held engu að síður áfram að fóðra sykurskrímslið.

Ég hefði nú gott af því að rifja upp hvers vegna sykur er slæmur 

Sykur er


Fitandi
Bjúgmyndandi
Næringarlítill
Tannskemmandi
 og síðast en ekki síst þá getur sykur verið bólguhvetjandi 


Hvítur sykur er mikið unnin vara sem þýðir að hann er næstum því næringarsnauður en engu að síður er sykur mjög hiteiningaríkur. Við gætum hæglega hætt að borða hvítan sykur, líkaminn þarfnast hans ekki. Ef við bara þyrftum ekki að fóðra sykurskrímslið þá væri nú auðvelt að hætta að borða hvítan sykur.

Monday, January 16, 2012

verkir+bólgur=grípa þarf til róttækra aðgerða

Í dag eru 36 dagar í settan dag hjá mér. Gigtarlega séð hefur meðgangan gengið vonum framar. Ég hef ekki tekið verkjatöflu síðan í sumar og hef verið nokkuð laus við verki og bólgur. Það hefur verið yndislegt að fá frí frá gigtarskömminni. Nú þegar styttist í annan endann er eins og gigtin sé að vakna aftur til lífsins:( Hnéið og ökklinn byrjaðir að bólgna upp og ég er farin að finna fyrir hægri höndinni ásamt því að eiga erfiðara með sitja. 

Ég verð að viðurkenna að fyrir utan almennan pirring yfir því að vera aftur illt þá fyllist ég kvíða. Hvernig í ósköpunum á ég að fara að því að sinna ungabarni ef hendur og fætur loga af sársauka og láta ekki af stjórn. Við tókum þá ákvörðun að við yrðum heima saman í 6 mánuði því við vitum í raun og veru ekkert hvernig ég verð eftir fæðinguna. Þrátt fyrir að ég viti að maðurinn minn verði með mér þá er ég engu að síður hrædd um að ég muni ekki geta sinnt barninu jafn mikið og ég vildi. Ég velti þvi einnig fyrir mér hvernig maður fer að einbeita sér að umönnun ungbarns þegar sársaukinn útaf gigtinni lamar mann. 

Það er því ekki seinna vænna að grípa í taumana og grípa til róttækra aðgerða. Ég trúi því að með því að borða hollan, bólguhemjandi mat og hreyfa mig reglulega þá muni ég vera betri af gigtinni en ef ég gerði það ekki. Gallinn við þessa aðferð er þegar ég fóðra sykurskrímslið og læt eftir letiskrímslinu þá verð ég svo vond við sjálfan mig. Skamma mig allan daginn yfir því að vera svona mikill aumingi að geta ekki haldið þetta út. 

Sunday, January 15, 2012

Verkir og gigt

Eitt af þvi sem ójákvæmilega fylgir gigt eru verkirnir. Það er erfitt að lýsa þeim fyrir fólki sem er ekki með þá en hjá mér væri hugsanlegt hægt að lýsa þeim sem samblandi af vöðvabólgu, vaxtaverkjum og marblettum í 10 veldi. Þetta er í raun engu líkt. Eitt er víst sársaukinn sem fylgdi gigtinni var óbærilegur fyrstu tvö og hálft árið hjá mér, sem betur er verkirnir ekki jafn slæmir nú. Verkirinir eru engu að síður sárir og það er erfitt að finna stanslaust til. Það er samt ótrúlegt hverju er hægt að venjast. 

Í mínu tilviki þá dugðu verkjatöflur ekki til. Ég prófaði því ýmis bólgueyðandi krem og olíur til að reyna að slá á verkina. Allt kom fyrir ekki og mér fannst lítið gagn af þessum apótekarkremum og bólgueyðandi kremum sem voru til. Ég rambaði að lokum niður á krem frá Villimey sem virkaði eins og verkjalyf. Ég er síðan núna nýlega búin að uppgötva vöðvaolíu frá Urtaverksmiðunni Sóla sem svona svínvirkar á vöðvabólguna í herðunum.



Það er líka hægt að fá kremið í lítilli dós sem er frábært fyrr fólk sem langar til að prófa en kannski ekki fjárfesta strax í stórri dós. 



Þessi olía frá Urtasmiðunni Sóla virkar alveg ótrúlega vel á vöðvabólgu. 

Ég hef notað kremið frá Villimey í fjölda mörg ár og er alltaf jafn ánægð með það. Ég er bara nýlega byrjuð að nota olíuna frá Urtasmiðjunni en hún hefur virkað fínt á vöðvabólguna hjá mér. Gigt er þannig sjúkdómur að það sem virkar á einn, virkar ekki á næsta. Þessar vörur hafa virkað ótrúlega vel fyrir mig. Ég mæli hiklaust með því að fólk með gigt eða vöðvabólgu verði sér út um prufur og athugi hvort þetta sé eitthvað sem virkar fyrir það. 

Það væri líka gaman að vita hvort það séu einhver önnur krem eða olíur sem ykkur finnst virka vel gegn gigtarverkjum og vöðvabólgum. 

p.s. fór eftir morgunverðaráætluninni í næstum einu og öllu:)

Saturday, January 14, 2012

Gigtarverkir

Eitt sem ég ætla að reyna að vera dugleg að gera næstu vikur. Þetta er eitthvað sem ég hef gælt við í lengri tíma en aldrei komið í verk. Það er sem sagt að lita líkamann eftir verkjum og skertri hreyfigetu. Það væri skemmtilegt að sjá hvort það sé einhver munur á verkjum eftir vikum eða mánuðum. Veit ekki alveg hversu oft ég ætti að gera þetta. Með þessu móti ætti ég líka að geta fygst betur með því hvort breytt matarræði og hreyfing hafi áhrif á verkina. 

Rautt merkir sársauka

Fjólublátt er fyrir skerta hreyfigetu




Friday, January 13, 2012

Gigt og matur

Skiptir máli hvaða mat maður borðar þegar maður er með gigt. Ég veit það hreinlega ekki. Eg held þó að það sé betra fyrir líkaman að borða hollan mat fremur en óhollan. Mér hefur þó aldrei tekist úthýsa óholla matnum úr matarræðinu hjá mér en ég er að reyna markvisst að borða hollara. Ég hef hugsað mér að kanna betur hvaða mat er mælt með að borða til að vinna bug á gigt. Hér er listi yfir því sem mælt er með og hafði ég hugsað mér næstu vikur að kanna betur hvers vegna þessi matur er góður ef maður er með gigt

Þessi ber eiga víst að vera góð fyrir fólk með gigt

Acaiber
Bláber
Krækiber
Kirsuber
Hindber
Jarðaber

Mælt hefur verið með þessu grænmeti 

Gúrka
Gulrætur
Paprika
Blómkál
Selleri
Spergilkál
Spínat
Laukur
Sætar kartöflur
Rauðbeður

Ávextir

Epli
Lárpera
Kíwí
Ananas

Sum krydd geta haft góð áhrif á gigt

Curry
Fennel
Turmeric
Basil
Mynta

Svo höfum við

Engifer
Hvítlauk
Chillí
Kanill

Ég held síðan að það sé gott að borða fisk

Þorsk
Lax


Thursday, January 12, 2012

Nammidagur sem breyttist í nammidaga

Ég er ekki fyrr búin að gera einhverjar stórkostlegar áætlanir þegar ég er búin að fara á svig við þær. Síðasta sunnudag þá fékk ég mér nammi, ekki af því að mig langaði sérstaklega í það heldur því ég var ekkert búin að borða nammi alla vikuna og ég hugsaði með mér að ég ætti það nú skilið að fá mér nammi því ég væri búin að vera svo dugleg.

Ég keypti mér smá nammi, ekkert geðveikislega mikið en fullt af sykri og fitu. 

Eitt af mini-markmiðum mínum fyrir þessa vikuna var að láta nammið vera. Sem var ekki búið að vera neitt mál fyrir mig að undanförnu. 

Daginn eftir nammiátið sat ég eftir með þessa brjálæðislegu nammiþörf. Var allan daginn að hugsa um nammi og endaði að lokum með að dýfa mér ofan í fríhafnarsúkkulaði í skápnum og éta það upp til agna. Nokkuð gott nema hvað daginn eftir það bætti ég enn betur um og missti mig í bakaríinu auk þess keypti ég mér bugles poka og kók um kvöldið. Ég held að það sé óhætt að segja að nammidagar séu ekkert sérstaklega góðir fyrir mig. Það tekur mig þrjá daga að trappa mig niður. Á miðvikudeginum gat ég síðan loks látið nammið í friði. 

Nammi er bólguhvetjandi og því er til mikils að vinna að halda sig frá því þegar maður þjáist af gigt. Mér hefur aldrei tekist það en ég þarf engu að síður að finna aðrar leiðir til að fullnægja sætuþörfinni heldur en með "hard core" nammi


Wednesday, January 11, 2012

Mulberries

Sem neytandinn er ég ginkeypt fyrir fallegum umbúðum. Vörurnar frá navitas koma í svo fallegum umbúðum að í hvert sinn sem ég labba framhjá vörum þeirra þá langar mig að hrúga öllu í körfuna.

 Í síðustu bæjarferð þá stóðst ég ekki mátið og keypti mér mulberries

 Mulberries koma alla leiðina frá Tyrklandi og tilheyra hinum sívinsæla fæðuflokki, ofurfæði,  sem var að ég held ekki til fyrir nokkrum árum. Mulberries hafa útlitið ekki með sér, eins og sjá má. 



Það sem þeim skortir í fríðleika bæta þau upp með andoxunarefnum, járni, C-vítamíni, trefjum og próteini. Ég er vön að setja smá út á morgunmatinn. Þau eru tiltölulega sæt samt ekki jafn sæt og rúsínur.

Mulberries innihalda:
3 gr af próteini í hverjum skammti (28gr)
járn
kalk
C-vítamín
trefjar
Rík af andoxunarefnum

Tuesday, January 10, 2012

Sellerí

Mér hefur alltaf fundist sellerí vera mjög óspennandi matur. Annars vegar finnst mér bragðið vera ekkert sérstakt og hins vegar finnst mér þetta ekki fallegt grænmeti. 



Helstu kostir sellerís

Járnríkt
Mikið af K-vítamín
Getur lækkað kólesteról
Virkar vel á hægðatregðu
Dregur úr bólgum
Lækkar blóðþrýsting
Fáar kaloríur
Betri líkamslykt
Styrkir hvít blóðkorn




Í ljósi þess að mér hefur ætíð fundist sellerí vera óspennandi matur þá hef ég lítið sem ekkert borðað það. Ég hef aðeins verið að prófa mig áfram síðustu vikur. Mér finnst ágætt að borða það með "hollustu" ídýfu og mér finnst það frábært í sushi. Ég þarf að grúska í matreiðslubókum og finna einhverja dýrindis uppskrift þar sem sellerí er í aðalhlutverki

Monday, January 9, 2012

Nýársheiti

Á nýju ári hef ég einsett mér að borða í meira mæli mat sem er líklegur til að vinna gegn gigtinni. Ég hef heyrt og lesið alveg ótrúlega kraftaverkasögur af fólki sem kannski losnar ekki við gigt en lifir verkjaminna lífi. Ég fyrir mitt leyti er löngu komin með upp í kok af þessari sóríasgigt og vil gjarnan losna við hana sem fyrst. Því hef ég sett mér þrjú markmið varðandi matarræði í ár. 

1. borða hollan og staðgóðan mat
Ég er hætt að setja mér ofurmarkmið þar sem hitt og þetta má ekki fara inn fyrir mínar varir. Fyrir mig held ég að henti best að einbeita mér að því að borða meira af hollum mat en óhollum mat. 

2. borða mat sem vinnur gegn bólgum
Ég er með bólgur út um allan líkama. Þær eru mismiklar en fjandi sársaukafullar og takmarka hreyfigetuna mína. Bólgurnar eru fyrst og fremst í vöðvafestingum i kringum liðina. Því tel ég mikilvægt fyrir mig að borða mikið af mat sem eru bólguhamlandi.  

3. borða mat sem styrkir ónæmiskerfið
Ég líkt og flestir gigtarsjúklingar er á ónmæmisbælandi lyfjum. Sem gera það að verkum að a.m.k. einu sinni á vetri þá leggst ég í heiftarlega flensu. Til að reyna að koma i veg fyrir það sakar ekki að borða ögn meira af mat sem á að vera sttyrkjandi fyrir ónæmiskerfið.

Sunday, January 8, 2012

psoriasis blettir

Það er fátt jafn yndislegt og að fá psoriasis bletti eða þannig. Þegar ég var 18 ára gömul þá fékk ég dropa-psoriasis. Dropa-psoriasis blettirnir eru svipaðir og venjulegir psoriasis blettir nema að þeir eru pínulitlir. Ég fékk þessa litlu bletti út um allan líkamann. Ekki alveg það skemmtilegasta fyrir 18 ára stelpu. Ég var ein af þeim heppnu og eftir veturinn þá voru eiginlega allir blettirnir horfnir. Fyrir c.a. tveimur árum þá fékk ég aftur psoriasis bletti en í þetta skiptið fékk alvöru psoriasis-bletti. Líkt og margir vita þá er engin lækning við psoriasis en það kemur samt ekki í veg fyrir að maður reyni að losna við þá. Ég hef prófað ýmislegt með misjöfnum árangri. 

1. Verða ólétt 
Ég man ekki alveg hvað ég var komin langt á leið þegar ég tók eftir að psoriasis-blettirnir voru nær allir horfnir. 

2. Fara í ljós á sjúkrahúsi
Þegar ég fékk dropa-psoriasisinn þá var ég heilan vetur í sérstökum ljósum á sjúkrahúsi. Ljósin virtust gera mikið gagn. Ég allavegana var laus við næstum alla blettina eftir veturinn. 

3. Lyf og sterakrem
Það eru til lyf sem halda psoriasinum niðri. Ég hef oft notast við sterakrem sem minnkar hrúðrið en blettirnir sitja eftir. 

4. Epsom salt
Þetta svínvirkar á hrúðrið. Maður fær fallega bleika bletti í stað hreistraðra og hvítra. Ég sett alveg heilan helling í baðið. 


Síðasta vetur tók maðurinn minn eftir því að psoriasis blettirnir á olnbogunum hjá mér voru nær horfnir. Við urðum mjög hissa því ég hef prófað ýmislegt og það er margt sem vinnur á hrúðrinu en það er ekkert sem gerir það að verkum að blettirnir hverfi. Við fórum yfir hvað við höfðum borðað og gert síðustu daga og datt fátt í hug sem gæti skýrt af hverju blettirnir væru að fara. Að lokum komust við að þeirri niðurstöðu að minnkun blettanna mætti rekja til tesins sem ég var nýbyrjuð að drekka


Teið heitir Organic Green Tea with ginger. Ég veit ekki af hverju en þetta virkar svo vel á mig að blettirnir hurfu nær allir. Þetta er þó engin lækning um leið og ég hætti að drekka teið þá komu þeir aftur. Til að byrja með drakk ég einn bolla á dag, svo annan hvorn dag og loks bara þriðja hvern dag. Það virtist duga til að halda blettunum fjarri. Þetta er það eina sem ég hef prófað sem hefur gert það að verkum að blettirnir hverfi alveg.

Saturday, January 7, 2012

Hvernig gekk síðasta vika?

Þessi vika hefur verið afspyrnu slæm matarlega séð, eins og mér fannst síðasta vika ganga vel þá hefur allt gengið á afturfótum síðan nammidagurinn var haldinn. Eins og sjá má þá hef ég algerlega sleppt mér í óhollu og aðeins hollara nammi. Sem er í raun ekkert skrýtið því eftir sem maður innbyrðir meira af sykri því meira kallar líkaminn og hugurinn eftir sykrinum. 


nammi,bakrísnammi,brauð og unnar matvörur,hollur og góður maturhollara nammi

14. nóvember: 
hafragrautur m/banan, kanil og chiafræjum, epli, 0,5 l kókrúnstykki m/osti og skinku, crossiant m/skinkumyrjuhrá lasagna m/kúrbít, cashew hnetum, basil, sólþ. tómötum, tómötum, sleppti mér í súkkulaðimolum úr fríhöfninniheitt vatn m/engifer
Illt og þreytt í hægri löpp, miklir verkir, mjóbakið illt, bjúgsöfnun

15. nóvember
rúnstykki m/skinu og osti, kókoslengja, rúnstykki m/skinku og osti, snúðurhátíðarblanda, bugles, jólaöl
partanudd, fótanudd

16. nóvember:
epli, vatn, hrálagsagna m/rauðrófu og grænu salati, hollustumúffur x2, hrákókoskúlurx2, vatn, KjötLagsagna m/salati, brauðikók m/mat
jóga

17. nóvember: 
rúnstykki m/skinku og osti, eplatrópí, safi m/kíví, engifer og eplum, hollustumuffinslagsagna, 1 kókglas, epli, súrmjólk með byggmorgunkorni.Byrjaði að taka inn omega-3, pregnacare og kalk
nudd

18. nóvember:
hafragraut m/chia fræjum og banana, 1/2 bmt subwaykókglas, 1 sneið hrákakajólöl 0,5L, fitness popp
jóga

19. nóvember:
kók light glas, draumbitar, sleikjó, afmæli hjá pabba, marengs terta, kókosbollu-rjómakaka, heit eplakaka m/súkkulaði og ís, nokkur kókglöskjúklingur, franskar, tómatsósagrænt salat, abt-jógúrt, 1 glas engiferseyði, epli

20. nóvember:
DETOX
Ég held að það væri ekki úr vegi að hafa DETOX dag eftir þessa viku. 

Þetta er önnur vikan sem ég skrifa allt niður sem ég borða. Það sem hefur komið mér mest á óvart er hvað ég borða mikið af óhollum mat, nammi og gos. Það er þó nokkkuð síðan ég byrjaði að pæla í áhrif matarræðis á gigtina. Ég hef lesið mér til, fundið upplýsingar á netinu, farið á bókasafnið, lesið heilsublogg hjá ókunnugu fólki. Hingað til þá hefur mér fundist ég borða nokkuð hollan mat en þegar ég sé þetta svona svart á hvítu þá fæ ég hálfgert áfall. Þessi vika var að vísu afspyrnu slæm og ég ætla að leyfa mér að segja að hún hafi verið óvenjulega slæm. Engu að síður þá er ég hissa á því hversu mikið nammi ég borðaði alla vikuna. Ég hef stundum heyrt fólk tala um að gott er að stefna að því að borða hollt í 80% tilvika og leyfa sér 20% í minna hollum mat. Í sannleikann sagt þá hef ég haldið að ég væri að fara nokkurn veginn eftir því. 

Ónákvæm prósentureikningur á mattarræði mínu sýnir að í 27% tilvika borðaði ég hollan mat, í 73% tilvika borðaði ég nammi, bakarísnammi, brauð og unnar kjötvörur. Ekki alveg hlutföllin sem ég var að vonast eftir:(

En það þýðir ekkert að láta deigann síga, Róm var ekki byggð á einum degi. Ég þarf að fara rólega í hlutina, hugsa ögn meira um hvað ég er að láta ofan í mig og ekki dýfa mér ofan í nammiskálina þó að ég fari út af sporinu. 

Væl og verkir
Ég er að reyna að fylgjast betur með gigtarverkjunum og hreyfigetunni. Fyrst og fremst til að sjá hvort matarræði og hreyfing sé að hafa áhrif á líðan mína. Þess vegna krassa ég inn á þessa mynd vikulega þar sem rautt er fyrir verki og fjólublátt fyrir skerta hreyfigetu




Ég finn miklu minna fyrir vöðvabólgunni eftir að ég byrjaði í meðgöngujóganu. Man ekki hvenær ég fékk síðast vöðvabólguhöfðuðverk. Ég er búin að vera slæm í grindinni og ökklarnir eru að plaga mig. Mér finnst ég þó vera mun skárri eftir allt nuddið í vikunni. Ég hef engu að síður átt mjög erfitt með að sitja þessa vikuna, nota hægri höndina og hægri löppin hefur ekki verið upp á sitt besta. 

Friday, January 6, 2012

Kvart og væl

Gleðilegt nýtt ár 

Ég hef ekki skrifað mikið inn að undanförnu. Hent inn stöku mynd af fallegum hlutum sem ég hef rekist á internetrápi. Ég hugsa stundum hvað gerði kona eiginlega áður en netið kom til sögunnar. Sat ég bara og starði út í loftið? 

Það styttist í komu erfingjans. Það eru þó tæpir tveir mánuðir í settan dag þannig að það er nóg eftir. Ég mæli með því fyrir allar konur með gigt að verða barnshafandi. Þó ég hef ekki getað unnið á meðgöngunni þá hef ég sjaldan verið jafn góð og verkjalítil. Þar sem ég er haugur að eðlisfari þá var ég ekki jafnáköf líkt og ég ætlaði mér í baráttunni gegn gigtinni. Það er alltaf þannig hjá mér um leið og líðan verður betri þá slaka ég á og nenni ekki að hugsa jafnmikið um matarræði og hreyfingu. 

En þar sem þessi meðganga er senn á enda þá er ekki seinna vænna að hysja upp um sig brækurnar og fara að huga betur að heilsunni. Ég verð að játa að ég kvíði fyrir að vera gigtveik mamma. Þess vegna verð ég að nýta þessar síðustu vikur vel í að undirbúa mig undir verkina og hreyfingarleysið. 

Var ég nokkuð búin að segja ykkur hvað ég er komin með mikið ógeð á þessarri sóríasgigt. Mér finnst alveg kominn tími á að hún láti sig hverfa. 

Thursday, January 5, 2012

Daglegt líf með gigt

Það er ágætt að skrifa niður hvað maður borðar og hreyfingu. Þá er auðveldlega hægt að sjá hvað er hægt að bæta. Stærsti gallinn við þetta fyrirkomulag er maður þarf að skrifa niður eftir daginn og oftar en ekki gleymir maður því. Ég stóð mig mjög vel fyrstu þrjá dagana en svo kom helgi og þá gekk það ekki eins vel. 

8. nóvember: sundleikfimi, Drífuæfingar 2x10
                      súrmjólk m/cherrios, epli, hrökkbrauð, fullt af ávöxtum, 1/2 subway, 1/2 kók
                      hef setið mikið í dag og unnið í tölvunni
                      mjög illt í h. úlnið og hönd, á mjög erfitt með hreyfingar, mjög illt mjóbakinu, pirringur í           
                      löppinni.

9. nóvember: göngutúr, Drífuæfingar 2x10, meðgöngujóga
                       brauð m/skinku og osti. Grillað brauð m/skinku og ost+dijon sinnep. 2x33cl kók, 
                       crossiant  m/súkkulaði, kókoskúla, hrásushí m/gulrætum, möndlum og fleira, epli
                      Átti erfitt með svefn vegna verkja í vinstri löpp, illt í h. hönd,

10. nóvember: lá í rúminu til 3 v/verkja
                         hafragrautur m/banana, kanil og chiafræjum, möndulur og súkkulaði, 
                         grænmetislagsana  m/salati, brauði og grjónum
                        Gífurlega þreytt og illt í fótum, mjög illt og þreytt í h. úlnið eftir jólakortagerð, illt í 
                        mjóbakinu, illt fyrir ofan h.ökklann, vott af vöðvabólgu

Stóðst morgunverðaráætlunina með prýði
Búið að bætast við að borða chia-fræ tvisvar viku, aftur sama morgunverðaráætlun

11. nóvember: tók því rólega vegna brúðkaups um kvöldið
                         epli, vatn, kók í gleri, kjúklingaréttur m/ núðlum og kóriander, e-ð snarl, 
                         snittur og gos, smá snakk, ein oppuponsu cupcake
                         Enn gífurlega þreytt í fótunum, á mjög erfitt með gang, illt í mjóbakinu, illt fyrir ofan
                         h. ökkla.

12. nóvember: hafragrautur m/chia fræjum og banana, rúnstykki m/skinu og osti, kókoskúla,
                         0,5 l kók,  hrá sushi m/möndlum og gulrótar og mangó salat, popp og kók, 
                       vesturbæjarís m/karam. 0,5 jólaöl

13. nóvember: súrmjólk með byggmorgunverðarkorni, hrá sushí og salat, epli, steiktur fiskur m/ 
                        kartöflum, rófusalati og 2 kókglös, slatti af tortillas, bland í poka, 1 sleikjó,
                       1 bananstöng, 0,5 l jólaöl
                      
Svona leið mér c.a. þessa vikuna. Hægt að bæta við ég hef lítið getað sofið fyrir verkjum í h. ökklanum. En það er að lagast. 




Plús vikunnar: Ég setti mér raunhæf markmið og stóð við þau. Fór eftir morgunverðaráætluninni tvisvar og borðaði chia-fræ tvisvar í vikunni. Borðaði ekkert nammi alla vikuna nema sunnudaginn.

Mínus vikunnar: Ég er að drekka ALLT OF mikið af gosi og borða of mikið af bakaríkskruðerí.

Fyrir næstu viku: 


Halda áfram að
1. Borða chia-fræ tvisvar í viku
2. Morgunmatur: hafragrautur, súrmjólk, epli og brauð
3. Borða ekki nammi

Bæta við
4. Drekka ekki meira en 1,5 líter af gosi
5. Drekka engiferseyði eða engiferte a.m.k. einu sinni á þriggja daga fresti

Wednesday, January 4, 2012

Chia fræ

Eitt ráð gegn gigt er að borða heilsusamlega. Sumar matartegundir eiga að vera betri en aðrar til að vinna gegn gigt. Ég hef alveg ótrúlega gaman að pæla í einstökum matartegundum. Því meira framandi og sjaldgæfara því  skemmtilegra. Ég er þeim mun duglegri að sanka að mér fróðleik um mat gegn gigt heldur en að borða hann. Ég hef engu að síður reynt að borða Chia-fræ reglulega. Þegar ég segi reglulega þá meina ég að fyrir nokkrum mánuðum var ég ótrúlega dugleg og síðan ekki sögunni meir. 

Hverjir eru svo kostir chia-fræja sem formæður okkar virtust geta lifað án. 

Uppfull af Omega-3 fitusýrum
Trefjarík 
Á að hafa jákvæð áhrif á kólestról
Mikið af járni
Kalkrík


Ég borða þau fyrst og fremst út af omega-3 fitusýrum. Í anda þess að gera ekki áætlanir þá mun ég ekki strengja þess heit að borða chia-fræ í öll mál. Ég ætla þó að vera svo frökk að ætlast til af sjálfri mér að borða chia-fræ út á hafragrautinn eða eitthvað annað 2svar í viku. Það ætti að reynast mér auðvelt. 

Tuesday, January 3, 2012

Stenst ekki mátið, morgunarverðaráætlun

Ég veit að ég var búin að lofa sjálfri mér að gera ekki neinar óraunhæfar áætlanir varðandi matarræði og hreyfingu en ég bara stendst ekki mátið.  Það er eitthvað við áætlanagerð sem heillar mig. Ég ætla mér samt að standa við að gera ekki óraunhæfar áætlanir sem renna strax út í sandinn og ég sit eftir með samviskubit. 

Ég er ekki búin að vera nógu dugleg síðustu vikur að borða morgunmat! Ég veit að það er eina máltíðin sem mælt er með að sleppa aldrei. Ég hef einfaldlega mjög litla matarlyst á morgnana, sem er nú engin afsökun. 

Morgunmatsáætlunin ógurlega

Hafragrautur með banana, kanil og chia-fræjum
Cherrios með súrmjólk
Ávextir og hrökbrauð

Þriggja daga áætlun er alveg meira en nóg. Það eru þeim mun meiri líkur á að ég standi við þetta ef tímaramminn er örstuttur. 


Monday, January 2, 2012

SÍÐASTI DAGURINN!

Ég veit ekki hversu marga síðasta daga ég hef átt síðan ég greindist með gigt. Síðasti dagurinn sem ég ætla að drekka kók, síðasti dagurinn sem ég ætla að borða nammi, síðasti dagurinn sem ég ætla að borða eldaðan mat, síðasti dagurinn sem ég ætla að borða sykur, síðasti dagurinn sem ég ætla að borða eldaðann mat. Ég gæti haldið áfram í allan dag. 

Yfirleitt endar þetta á sama veg, ég held þetta út í nokkra daga, jafnvel vikur og á endann fæ ég mér kók eða nammi eða sykur eða hvað það var nú sem ég ætlaði ALDREI aftur að láta inn fyrir mínar varir. 

Þessu fylgir síðan tímabil þar sem ég ásaka sjálfan mig fyrir að geta ekki haldið þetta út. 

Skemmtilegt eða þannig!

Ég hef enn sem komið er ekki búið mér til neinar stórkostlegar áætlanir um heilsusamlegt líferni annað en að byrja að blogga. Innst inni vona ég auðvitað til þess að með því að blogga þá komi allt hitt áreynslulaust. Áður en ég viti af muni ég fúlsa við öllu sem er með sykurörðu í. Auðvitað veit ég það mun ekki gerast, ég held samt í vonina. 

Mér hefur ekki tekist að halda út eina einustu áætlun sem miðar að því að lifa heilsusamlegu líferni í þeirri von að gigtin verði viðráðanlegri. Þess vegna er ég núna treg til að verða með miklar yfirlýsingar um hve hátt ég stefni. Því ég nenni hreinlega ekki lengur að skamma sjálfan mig fyrir að ná ekki þeim óraunhæfu kröfum sem ég set mér. 

Þetta er nýtt fyrir mér. Ég er nefnilega mjög mikið fyrir áætlanagerð. Ég veit að ég vil vera betri af gigtinni, mig langar til að hreyfa mig meira og borða hollari mat. Ég verð bara að viðurkenna að ég hef ekki einustu hugmynd um hvernig ég á að fara að þ.e.a.s. ég veit ekki hvernig ég á að bera mig af til þess að ná árangri. Ég veit samt alveg hvað ég á að gera en þó ég viti hvað ég eigi að gera þá verður það því miður ekki til þess að ég fari eftir því, þar stendur hnífurinn í kúnni. 

Sunday, January 1, 2012

Gigtarplágan

Þegar ég var í framhaldsskóla sagði einn kennari við mig að ég skrifaði í skeytastíl. Ég mun leggja mig allan fram um að setja meira kjöt á beinin á þessu bloggi.

Ég var 23 ára þegar ég veiktist af gigt. Það tók þó nokkurn tíma að finna út hvað var að og síðan að finna lyf og í þrjú ár var ég mjög illa haldin af gigtinni. Átti erfitt með öll verk og þjáðist auk þess af óbærilegum verkjum. Ég fékk heilmikinn bata að lokum, gat klárað háskólanám mitt og farið út á vinnumarkaðinn. Ég byrjaði í 100% vinnu og það var langt í frá að vera auðvelt. Engu að síður var yndislegt að vera loksins komin aftur út á vinnumarkaðinn. Ég átti þokkalegt líf þar sem verkir voru í lágmarki og ég gat unnið öll helstu verk þó gigtin hafi háð mér í mörgu. Það kom síðan að því að maðurinn minn og ég ákváðum að tími væri kominn til að fjölga mannkyninu. 

Ég hætti á lyfjunum, hætti í vinnunni því án gigtarlyfjanna verð ég algerlega óvinnufær. Tíminn leið og leið og lítið gerðist. Ég átti gríðarlega erfitt með að hætta að vinna að auki kveið ég framhaldinu. Því ég var engan veginn búin að gleyma þeim kvölum sem gigtinni fylgdu og gremjunni sem kemur upp þegar ég get ekki gert einfalda hluti líkt og að greiða mér og tannbursta. Síðasliðið sumar komust við að því að von væri á erfingja. Við tók mikil hamingja. Mér fór fljótlega að líða miklu skárr af gigtinni og verkirnir minnkuðu til muna. Ég á von á mér í byrjun næsta árs. 

  • Í sjö ár hef ég haft gigt
  • Í sjö ár hef ég fundið til
  • Í sjö ár hef ég átt erfitt með að hreyfa mig
  • Í sjö ár hef ég prófað ýmislegt til að losna við gigtina


Nú langar mig meðan ég bíð eftir komu erfingjans að skrifa um hvað er hægt að gera til að halda gigtinni niðri.